დახმარება
აქ ნახავთ პასუხებს ხშირად დასმულ კითხვებზე. თუ პასუხი ვერ იპოვეთ, დაგვიკავშირდით.
კონტაქტი
ელფოსტა: support@sizmara.app
ტელეფონი: +995 557 49 91 62
წერილში მიუთითეთ iPhone-ის მოდელი, iOS-ის ვერსია და მოკლედ აღწერეთ, რა მოხდა.
- გამყიდველი
- ინდივიდუალური მეწარმე „ბიდლი“
- საიდენტიფიკაციო კოდი
- 01027071824
- იურიდიული მისამართი
- საქართველო, ქალაქი თბილისი, ევგენი აფხაზავას ქუჩა 22
ხშირად დასმული კითხვები
როგორ შევიდე ანგარიშში?
გახსენით პროფილი და მის ბოლოს, მშობლის ზონაში, აირჩიეთ „შესვლა Apple-ით ან Google-ით“.
აპი შესვლას იმ დროსაც შემოგთავაზებთ, როცა ზღაპრის პირველი წუთი დასრულდება. შესვლის შემდეგ უფასო ზღაპრები მთლიანად გაიხსნება.
სად ვმართო სიზმარა Plus?
Plus-ის გამოწერას სიზმარას ვებსაიტზე, ანგარიშის გვერდზე მართავთ, იმავე Apple ან Google ანგარიშით, რომლითაც აპში შედიხართ. იქ ჩანს, რომელ თარიღამდეა Plus ჩართული, და იქვე შეგიძლიათ გამოწერის გაუქმება და შენახული ბარათის წაშლა. გაუქმების შემდეგ Plus გადახდილი პერიოდის ბოლომდე მუშაობს. სადაც ეს შესაძლებელია, გამოწერის გაუქმება აპის მშობლის ზონაშიც შეგიძლიათ.
რადგან Plus ვებსაიტზე იყიდება და გადახდას ლიცენზირებული საგადახდო სერვისი (Flitt) ამუშავებს, ის App Store-ის გამოწერებში არ ჩანს. ახალ ტელეფონზე იმავე Apple ან Google ანგარიშით შედით. Plus თქვენს ანგარიშზეა მიბმული.
რა ღირს პერსონალური ზღაპარი?
ერთი პერსონალური ზღაპარი 10.49 ₾ ღირს. ეს ერთჯერადი შესყიდვაა და Plus-ში არ შედის: Plus ზღაპრების ბიბლიოთეკას ხსნის, პერსონალური ზღაპრები კი ცალ-ცალკე იყიდება.
შესყიდვისას ერთ კრედიტს იღებთ, რომელიც ზღაპრის შექმნისას იხარჯება. კრედიტს ვადა არ გასდის.
როგორ დავიბრუნო თანხა?
მოგვწერეთ support@sizmara.app-ზე, მიუთითეთ თქვენი ანგარიშის ელფოსტა და მოკლედ აღწერეთ, რა მოხდა. თანხას ვაბრუნებთ, როცა ამას კანონი მოითხოვს, სხვა შემთხვევებში კი გადაწყვეტილებას საკუთარი შეხედულებით ვიღებთ.
დაბრუნებული თანხა იმავე ბარათზე ირიცხება, რომლითაც გადაიხადეთ, ჩვეულებრივ რამდენიმე სამუშაო დღეში. ვადა თქვენს ბანკზეა დამოკიდებული. დაწვრილებით: გამოყენების პირობებში.
როგორ წავშალო ანგარიში?
მშობლის ზონაში აირჩიეთ „ანგარიშის წაშლა“ და დაადასტურეთ. წაიშლება ანგარიში, პერსონალური ზღაპრები და ჩვენთან შენახული ყველა მონაცემი, აქტიური გამოწერა კი გაუქმდება. ამის გაუქმება შეუძლებელია.
მშობლის ზონაში აირჩიეთ „ანგარიშის წაშლა“ და დაადასტურეთ. წაიშლება ანგარიში და ჩვენთან შენახული ყველა მონაცემი, აქტიური გამოწერა კი გაუქმდება. ამის გაუქმება შეუძლებელია.
თუ აპზე წვდომა აღარ გაქვთ, დაგვიკავშირდით და ანგარიშს ჩვენ წავშლით.
როგორ მოვუსმინო ზღაპარს ინტერნეტის გარეშე?
ზღაპარი პირველივე გახსნისას ჩამოიტვირთება და შემდეგ მას ინტერნეტის გარეშეც მოისმენთ. ჩამოტვირთულ ზღაპრებს „ჩამოტვირთულია“ ნიშანი აქვს.
მშობლის ზონის „ჩამოტვირთვების“ განყოფილებაში ნახავთ, რამდენ ადგილს იკავებს ზღაპრები, და იქვე ჩართავთ მობილური ინტერნეტით ჩამოტვირთვას. თუ ის გამორთულია, ზღაპრები მხოლოდ Wi-Fi-ით ჩამოიტვირთება.
რა ემართება პატარის ფოტოს?
ფოტო არასავალდებულოა: გარეგნობის აღწერა ფოტოს გარეშეც შეგიძლიათ. თუ ფოტოს აირჩევთ, ის ერთხელ იგზავნება Microsoft Azure OpenAI-ში, რომელიც ბავშვის გარეგნობის მოკლე აღწერას ქმნის. ნახატები მხოლოდ ამ აღწერით იქმნება.
ფოტოს ჩვენ არ ვინახავთ. Microsoft-ს კი შეუძლია სერვისის მოთხოვნები ბოროტად გამოყენების მონიტორინგისთვის 30 დღემდე შეინახოს. დაწვრილებით: კონფიდენციალურობის პოლიტიკაში.
პერსონალური ზღაპარი ვერ შეიქმნა. რა ემართება კრედიტს?
კრედიტი ავტომატურად დაგიბრუნდებათ. ცოტა ხანში სცადეთ თავიდან.
რა ვქნა, თუ ზღაპარი არ იტვირთება?
შეამოწმეთ ინტერნეტი. თუ აპში წერია „ჩამოტვირთვა Wi-Fi-ს ელოდება“, დაუკავშირდით Wi-Fi-ს, შეეხეთ ღილაკს „მაინც ჩამოტვირთვა“ ან მშობლის ზონაში ჩართეთ მობილური ინტერნეტით ჩამოტვირთვა.
თუ ტელეფონზე ადგილი აღარ არის, წაშალეთ ძველი ჩამოტვირთვები მშობლის ზონაში.
ვისთვისაა სიზმარა?
ზღაპრები 3-დან 8 წლამდე ბავშვებისთვისაა. პატარის ასაკისა და საყვარელი თემების მიხედვით შესაფერის ზღაპრებს პირველ რიგში ვაჩვენებთ.
დოკუმენტები
იხილეთ კონფიდენციალურობის პოლიტიკა და გამოყენების პირობები.